MWANAMKE MMOJA AMEKAMATWA KWA KUTUHUMIWA KUUZA BIMA FEKI MKOANI MOROGORO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. >Mwanamke mmoja amekamatwa kwa kutuhumiwa kuuza bima feki mkoani Morogoro.


Mwanamke mmoja mkazi wa Bomarodi manispaa ya Morogoro Neema Monyo amekamatwa na maafisa wa mamlaka wa usimamizi wa bima  kanda ya kati (TIRA) kwa kushirikiana na jeshi la polisi kikosi cha usalama barabarani kwa madai ya tuhuma za kukutwa akiuza bima feki kinyume na taratibu kunakopelekea kuikosesha serikali mapato.

Bi.Neema amejikuta akiwa katika wakati mgumu  mara baada ya mama mmoja aliyeuziwa bima ambayo ilionekana kuwa ni feki kukamatwa katika operesheni ya kukagua bima feki inayoendelea mkoani hapa kisha kumtaja aliyemuuzia na kukamatwa na kuwekwa nguvuni.
Naye mama aliyedai kuuziwa bima hiyo feki Flora Musiba amesema yeye wakati ananunua hakujua kuwa nifeki na baada ya gari yake kukamatwa akawasaidia maafisa hao kuwaonyesha aliyemuuzia.
Kwa upande wake meneja wamamlaka ya usimamizi wa bima Tanzania (TIRA) kanda ya kati Stela Rutaguza amesema wamemkamata muuzaji huyo kisha wanamfikisha  katika  kituo cha polisi kumfungulia mashita kwa uuzaji wa bima feki.

Chanzo ITV

RAIS DKT MAGUFULI AONGEA NA WANANCHI MOROGORO AKIWA NJIANI KUREJEA DAR ES SALAAM

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Rais wa Jamuhuri Jamuhuri ya Muungano wa Tanzania Dkt John Pombe Joseph Magufuli Akisisitiza jambo alipokuwa akiwahutubia Wananchi wa eneo la stendi ya mabasi Msamvu  Mkoani Morogoro akitokea mkoani Dodoma leo Julai 27, 2017.
 Rais wa Jamuhuri Jamuhuri ya Muungano wa Tanzania Dkt John Pombe Joseph Magufuli akiongea na wananchi wa eneo la stendi ya mabasi ya Msamvu  mkoani Morogoro akitokea Dodoma leo Julai 27, 2017.
 Rais wa Jamuhuri Jamuhuri ya Muungano wa Tanzania Dkt John Pombe Joseph Magufuli Akimsikiliza Bi Maria Gabrieli aliyemweleza kero za wafanyabiasahara ndogondogo wa Stendi ya Mabasi Msamvu  Mkoani Morogoro kunyanyaswa. Julai 27, 2017.
Rais wa Jamuhuri Jamuhuri ya Muungano wa Tanzania Dkt John Pombe Joseph Magufuli akimsikiliza Bi Halima Ali akimweleza juu ya kero za wafanyabiasahara ndogondogo wa Stendi ya Mabasi Msamvu  Mkoani Morogoro kunyanyaswa. Julai 27, 2017.
Picha na IKULU

MAGUFULI AMBADILIKIA MBUGE WA CCM


Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.




Rais wa Jamhuri ya Muungano wa Tanzania Mhe. Dkt. John Pombe Magufuli amemtaka Mbunge wa Jimbo la Morogoro Mjini Mh Aziz Abood arudishe viwanda mbalimbali ambavyo alibinafsishiwa na serikali kama ameshindwa kuviendesha.

Rais Magufuli amesema hayo leo alipokuwa Morogoro mjini na kuwataka watu waliobinafsishiwa viwanda na serikali mkoani humo na wameshindwa kuviendesha wavirudishe kwa serikali ili serikali iweze kuwapa watu wengine ambao wataweza kuviendesha.

“Ninarudia wito wangu niliokwisha kuutoa huko nyuma, kwamba wenye viwanda hapa Morogoro ambao wameshindwa kuviendesha, na leo nataja akiwemo Mbunge wa hapa wa Chama Cha Mapinduzi (CCM), narudia akiwemo Mbunge wa hapa wa CCM ambaye alibinafsishiwa viwanda vingi, kama ameshindwa kuviendesha avirudishe ili tuwape watu wengine kwa sababu vijana hawa wanakosa ajira, nazungumza kwa uwazi kwa sababu msema kweli ni mpenzi wa Mungu” amesisitiza Mhe. Rais Magufuli.

Mbali na hilo Rais Magufuli amemuagiza Kamanda wa Polisi wa mkoa wa Morogoro SACP - Ulrich Onesphory Matei kuhakikisha askari Mgambo hawawasumbuli wafanyabiashara wadogo wadogo na amewataka wafanyabiashara hao kutofanya vurugu wakati utaratibu mzuri unaandaliwa kwa ajili yao.

Rais Magufuli wakati akiwa katika ziara mkoani Singida aliweka wazi kuwa yeye anauchukua sana ubinafsishaji na kusema ndiyo umeturudisha nyuma na kuharibu mipango mizuri ambayo alikuwa nayo Mwalimu Nyerere, huku akitolea mfano viwanda kadhaa ambavyo vipo Morogoro na vimeshindwa kuendelezwa na majengo yake kugeuka magodauni ya watu.

TAARIFA KUTOKA IKULU JPM AWAAGIZA VIONGOZI MKOA WA MOROGORO KUWAACHA WAFANYABIASHARA NDOGONDOGO WAFANYE BIASHARA KATIKA KITUO CHA MABASI MSAMVU.


Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 



WAFANYAKAZI BENKI YA NMB KILOSA WAMNUNULIA MGUU WA BANDIA MTOTO MLEMAVU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 
Mwonekano wa mguu wa wa mtoto Sheila Bushiri baada ya kusaidiwa na wafanyakazi wa benki ya NMB Kilosa kufanyiwa upasuaji na kupewa mguu wa bandia.
 Baada ya kusaidiwa mguu wa bandia Sheila sasa anaweza kucheza.

 
Mwonekano wa mguu wa mtoto Sheila Bushiri kabla ya kusaidiwa na wafanyakazi wa Benki ya NMB Kilosa kufanyiwa upasuaji na kupewa mguu wa bandia.



Sheila akiwa katika picha na wafanyakazi wa tawi la NMB wilayani Kilosa, Morogoro ambao ndiyo waliotoa msaada kwa kushirikiana na Mkuu Kitengo cha Uwajibikaji kwa Jamii (CSR) kumsaidia mtoto huyo kufanyiwa upasuaji kwenye hospitali ya CCBRT na kupewa mguu wa bandia ambao kwa sasa unamwezesha kutembea tofauti na awali.

 Mkuu wa Shule ambayo anasoma Sheila ya Mazinyungu, Kajika Galani (kulia) akitoa taarifa ya maendeleo ya masomo ya Sheila kwa Meneja Kitengo cha Uwabikaji (CSR) cha Benki ya NMB, Lilian Kisamba.

 Meneja wa Kitengo cha Uwajibikaji (CSR) cha Benki ya NMB, Lilian Kisamba akizungumza na wanafunzi wa darasa ambalo Sheila anasoma.


Wafanyakazi wa Benki ya NMB wilayani Kilosa, Morogoro kwa kushirikiana na Kitengo cha Uwajibikaji kwa Jamii (CSR) cha benki hiyo wametoa msaada kwa mtoto Sheila Bushiri (7) ambaye alizaliwa akiwa mlemavu wa mguu mmoja kufanyiwa upasuaji na kumnunulia mguu wa bandia ili aweze kutembea kama watu wengine. 

Akizungumza kuhusu msaada huo, Meneja wa tawi la benki ya NMB KIlosa, Dismas Prosper alisema walimjua mtoto huyo kupitia Bi. Shalphina Lipinga ambaye alikwenda ofisini kwao kuomba msaada wa kusaidia watoto wenye uhitaji na baada ya kuwaonyesha mtoto huyo waliona kuna haja ya kumsaidia. 

Alisema baada ya kumwona wao kama wafanyakazi walichangishana pesa na kutokana na utaratibu wa benki hiyo kuwa iwapo wafanyakazi wakichangishana pesa kitengo cha CSR kuwaongezea pesa sawa na kiwango walichotoa walifanikisha mtoto huyo kufikishwa kwenye hospitali ya CCBRT iliyopo Dar es Salaam ambapo alipatiwa matibabu.

 “Alikuja ofisini Shalphina kusema kuwa anasaidia watoto ambao hawajiwezi na katika maongezi alisema kuna mtoto alizaliwa na ulemavu wa mguu mmoja na anaishi na bibi yake na anampeleka shule kila siku akimbeba mgongoni hivyo kama kuna mvua hawezi kwenda shule, mimi nikaona hapo kuna shida kubwa, “Nilipoona picha hana mguu mmoja kama mzazi iliniuma sana, niliweza kuwasilisha kwa wafanyakazi wenzangu na nilipowauliza nini tumfanyie wengi walipendekeza baiskeli na tukakubaliana kuchanga, alipopelekwa CCBRT walishauri apate mguu wa bandia na wafanyakazi wengi wakalikubali,” alisema Prosper. 

Prosper alisema lengo la wafanyakazi hao kutoa msaada ni kumwona mtoto huyo akiwa na furaha na kuendelea na masomo yake vizuri na kwasasa wana mpango wa kuendelea kutoa msaada kwa watu wengine ambao wanahitaji kupata msaada ili kuendesha shushuli zao za kila siku kama watu wengine ambao hawana ulemavu.
 
 “Mwisho wa siku tulifanikiwa kuweka tabasamu kwenye uso wa yule mtoto kwa kutumia kile kidogo ambacho Mungu ametusajilia tumsaidie na sio kwa yule mtoto tu tuna malengo ya kuendelea kusaidia wengine ili na wao wapate tabasamu,” alisema Prosper. Kwa upande wa bibi yake Sheila, Habiba Said ambaye ndiyo anaishi na mtoto huyo alisema mtoto huyo alizaliwa na ulemavu huo na akiwa na miezi tisa mama yake alimwacha nyumbani na kuondoka huku baba wa mtoto akiwa hajulikani. 

Alisema alimlea mpaka anaanza shule lakini alikuwa akikabiliwa na changamoto ya kutembea jambo ambalo lilisababisha muda mwingine kushindwa kwenda shule na hata kushiriki michezo na wenzake lakini NMB wamempa msaada ambao utamsaidia kufanya mambo ambayo alikuwa anashindwa kuyafanya awali. 

“Sheila alizaliwa vilevile, mama yake alivyomzaa akiwa na miezi tisa aliondoka na nimemlea kama kawaida baada ya kukua nikampeleka shule kwa kumbeba mgongoni…nilikutana na mama Joy (Shalphina Lipinga) nikamwelea na akasema ataongea na NMB watamsaidia, “Mwanzoni alikuwa anapata shida kutembea lakini kwasasa anaweza kutembea vizuri yeye mwenyewe, naishukuru NMB kwa msaada huo, alikuwa hachezi na wenzake lakini kwa sasa hivi anacheza kama kawaida na anakwenda shule mwenyewe na kurudi vizuri, nawashukuru sana,” alisema Habiba.

Naye Mkuu wa Shule ambayo anasoma Sheila ya Mazinyungu, Kajika Galani aliishukuru NMB kwa msaada ambao imetoa kwa mwanafunzi wake Sheila na kwa shule hiyo kwa kuipatia msaada wa madawati 78 ambao yamesaidia kumaliza tatizo la madawati shuleni hapo. 

“NMB tunawashukuru sana pindi mtoto nakuja kuandikishwa hapa alikuwa kwenye mazingira magumu sana bila bibi yake alikuwa hawezi kuja lakini wafanyakazi wa NMB wamemsaidia na tangu amesaidiwa sijamwona tena bibi yake na hata akiwa shule anashiriki michezo na wenzake kama kawaida, “Mmemsaidia sana naamini hata kusoma kwake kutakuwa vizuri pia hata bibi yake mmemsaidia sana hasa kipindi cha mvua alikuwa lazima awahi kumchukua lakini sasa atatembea mwenyewe … pia napenda kushukuru kwa msaada wa madawati 78 ambayo mmetusaidia, asilimia kubwa ya wanafunzi kwa sasa wanakaa kwenye madawati,” alisema Galani.

WADAU WA HABARI KUTOKA CHINA NA TANZANIA WAKUTANA KUJADILI MASUALA YA NJIA MPYA ZA MAWASILIANO MTANDAONI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


1
Mkurugenzi wa Idara ya Habari-MAELEZO na Msemaji Mkuu wa Serikali Dkt.Hassan Abbasi akiongea katika mkutano Njia Mpya za Mawasiliano Mtandaoni kati ya wadau wa Habari kati ya Tanzania na China Leo Jijini Dar es Salaam.

OFISI YA MAKAMU WA RAIS YAANDAA WARSHA YA MAFUNZO YA KEMIKALI NA TAKA HATARISHI KWA MAZINGIRA KWA MAAFISA SHERIA, MAAFISA FORODHA NA WAKAGUZI WA MAZINGIRA NA UBORA WA BIDHAA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

1
Mkurugenzi wa Idara ya Mazingira -Ofisi ya Makamu wa Rais Bwana Richard Muyungi akimkaribisha Mgeni Rasmi kufungua warsha ya mafunzo ya kemikali na taka hatarishi kwa mazingira kwa Maafsa sheria na maafisa Forodha. Warsha hiyo imeandaliwa na Ofisi ya Makamu wa Rais inafanyika mjini Morogoro.

AMUUA MKEWE KWA KITU CHENYE NCHA KALI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.   

Imeandikwa na John Nditi, Morogoro

POLISI mkoani Morogoro inawashikilia watu tisa kwa tuhuma tofauti akiwemo mkazi wa Kijiji cha Chingholwe, Kata ta Chanjale wilayani Gairo, Bahati Malima kwa kumuua mkewe Janet Sajilo (35) kwa kuchoma na kitu chenye ncha kali sehemu ya kifuani na kufariki dunia papo hapo.
Kamanda wa Polisi wa Mkoa, Ulrich Matei alisema jana kuwa mauaji hayo yalifanyika juzi saa sita eneo la Kijiji cha Chingholwe, Kata ya Chanjale, Tarafa ya Nongwe. Kamanda Matei alisema chanzo cha tukio hilo ilidaiwa ni wivu wa mapenzi.
Alisema baada ya mtuhumiwa kumchoma mkewe na kitu chenye ncha kali kifuani, alifariki dunia papo hapo baada ya kuvuja damu nyingi. Hata hivyo, alisema chanzo halisi kilichosababisha mume huyo kuchukua uamuzi wa kumchoma mkewe na kitu chenye ncha kali kifuani, hakijafahamika na uchunguzi zaidi unaendelea na hatua za kumfikisha mtuhumiwa mahakamani zitafuatwa.
Aidha, Haji Athuman (28) ambaye ni mfanyabiashara na mkazi wa Makambako, Mkoa wa Njombe anashikiliwa na Polisi akiwa na simu aina mbalimbali zipatazo 748. Simu hizo ni Tecno, Itel na Ditel pamoja na betri za simu 650 na chaja za simu 830.
CHANZO HABARI LEO.

RC ATOA MUDA UKARABATI MOCHWARI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.


Imeandikwa na John Nditi, Morogoro
MKUU wa Mkoa wa Morogoro, Dk Stepen Kebwe amemtaka mkandarasi ambaye ni Wakala wa Majengo wa Serikali (TBA) kuongeza kasi ya ukarabati wa jengo la kuhifadhia maiti (mochwari) katika Hospitali ya Rufaa ya Mkoa wa Morogoro ili ukamilike ndani ya wiki mbili zijazo.
Alisema hayo juzi alipofanya ziara kukagua maendeleo ya ukarabati huo baada ya kumalizika kwa zoezi la usafi wa eneo la hospitali hiyo. Awali, Mhandisi wa Idara ya Miundombinu ya Mkoa wa Morogoro, George Tarimo alisema katika Mwaka wa Fedha wa 2016/2017, Serikali mkoani humo kwenye bajeti ya maendeleo ya Mwaka wa Fedha wa 2016/2017, ilitenga Sh milioni 108.2 kwa ajili ya ukarabati huo.
Tarimo alisema ukarabati huo unasimamiwa na mshauri mwelezi na mkandarasi mkuu Ofisi ya Meneja wa Mkoa wa Wakala wa Majengo na ulianza Aprili 5, mwaka huu na kutakiwa kukamilishwa ifikapo leo. Alisema hadi sasa gharama za ujenzi ya awali ni Sh 89,602,993 na kwamba kiwango cha kazi zilizokamilika kimefikia asilimia 65. Alisema hiyo inatokana na nafasi finyu ya utendaji. Alifahamisha kuwa, jokofu lenye uwezo wa kuhifadhi miili 18 limenunuliwa na bado lipo Bohari kuu ya Dawa (MSD).
CHANZO HABARI LEO

AKAMATWA NA MENO YA TEMBO YENYE THAMANI YA SH 33 MILIONI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Jeshi la polisi mkoani Morogoro linamshikilia Kimosa Kibona(43) Mkazi wa Tarafa ya Mlali kwa tuhuma za kukutwa na pembe mbili za ndovu zenye thamani zaidi ya Sh 33 milioni.

Kamanda wa polisi mkoani Morogoro, Ulrich Matei akizungumza leo Jumatatu na waandishi wa habari amesema mtuhumiwa alikamatwa nyumbani kwake maeneo ya Kata ya Mlali Wilaya ya Mvomero na askari waliokuwa doria.

Matei amesema kukamtwa kwa mtuhumiwa huyo ni baada ya polisi kupokea taarifa za kiintelijensia ndipo walipofika nyumbani kwake na kumpekua na kukutwa akiwa na pembe hizo mbili zikiwa zimehifadhiwa katika salfeti pamoja na pilipili mbili sina ya SunLG. 
Kwa hisani ya Kijukuu Blog

MKAKATI WA KUKABILIANA NA CHANGAMOTO ZA MATUMIZI BORA YA ARDHI WAKAMILISHWA.

Kaimu Mkurugenzi wa Tume ya Taifa ya Mipango ya Matumizi ya Ardhi(NLUP) Dkt.Stephen Nindi akizungumza kwa ufupi hatua iliyofika kabla ya kwenda kukabidhi rasimu hiyo katika vyombo vya juu
Mkurugenzi msaidizi nyanda za malisho kutoka wizara ya kilimo na Mifugo Bw. Victor Mwita(Kulia) ambaye alikuwa mwenyekiti wakati wa shughuli hiyo, akitoa mwongozo wa baadhi ya mambo.
Baadhi ya watumishi Tume ya Taifa ya Mipango ya Matumizi ya Ardhi(NLUP) wakiwa wanafuatilia kwa makini majadiliano hayo wakiwa mkoani Morogoro.
Mmoja wa wajumbe wa kikosi kazi hicho akichangia jambo wakati wa mjadala
Bi. Amina Ndiko kutoka Shirika la kimataifa la Oxfam nchini Tanzania akitoa neno la shukurani mara baada ya kukamilisha zoezi la kukamilisha mkakati wa kukabiliana na changamoto za matumizi bora ya ardhi.
Mratibu wa programu ya Ardhi kutoka Shirika la Kimataifa la Care  Bi. Mary Ndaro akizungumzia mambo mbalimbali ikiwemo changamoto kubwa iliyopo inayochangia ucheleweshaji wa upimaji wa ardhi ni pamoja na kuwepo kwa bajeti ndogo
Bw. Emanuel Msofe kutoka Wizara ya Maliasili na Utalii Idara ya Misitu na Nyuki akichangia jambo wakati wa kukamilisha mkakati wa kukabiliana na changamoto za matumizi bora ya ardhi
Kikosi kazi wakiendelea na kazi ya majumuisho
Bw. Zakaria Faustin Mratibu wa kitengo cha Ardhi  na uwekezaji kutoka (TNRF) akizungumza jambo wakati wa majumuisho hayo.
Picha ya pamoja ya wajumbe wa kikosi kazi.


Kikosi Kazi cha Masuala ya Matumizi ya Ardhi kinachojumuisha wadau kutoka serikalini na asasi za kiraia wamekutana na kukamilisha rasimu ya mkakati wa kukabiliana na changamoto za matumizi ya ardhi nchini. Mkakati itakayowasilishwa katika ngazi ya juu endapo utatekelezwa ,kusimamiwa na kufatiliwa kwa umakini kwa asilimia kubwa nchi ya Tanzania itakuwa ni miongoni mwa nchi zenye utulivu wa migogoro ya ardhi 

Miongoni mwa wadau hao waliohudhuria katika kikao wapo kutoka taasisi za serikali na zisizo za serikali ikiwemo  Tume ya Taifa ya Mipango ya Matumizi ya Ardhi(NLUP),Shirika la kimataifa la Care pamoja Shirika la Oxfam.

Akizungumza  Mkoani Morogoro ,Kaimu Mkurugenzi wa Tume ya Taifa ya Mipango ya Matumizi ya Ardhi(NLUP) Dkt.Stephen Nindi alisema  endapo rasimu hiyo itapitishwa na yale yaliyokuwepo ndani ya rasimu yakasimamiwa na kufatiliwa vizuri kwa kiasi kikubwa itawezesha vijiji na Wilaya kuwa na mpango mzuri wa  matumizi bora ya Ardhi.

“Ndani ya rasimu hiyo imeweza kuchambua vizuri suala zima la matumizi ya Ardhi ambayo kwa kiasi kikubwa itaondoa na kumaliza  tatizo la migogoro ya ardhi katika maeneo mengi ya nchi, baada ya rasimu hiyo kukamilika itaweza kupelekwa katika ngazi ya juu kwa  ajili ya kupewa baraka na kuanza utekelezaji wake.” Alisema Dkt. Nindi
Alisema kuwa kikosi kazi hicho kimeweza kutengeneza mipango ya ardhi takribani 100 kwa kipindi cha mwaka mmoja tangu kikosi kazi hicho kipipo undwa.

"Ile kazi ambayo tuliifanya kipindi kirefu kwa kushirikiana na wadau mbalimbali kutoka Serikali na taasisi zisizo za  kiserikali  tangu mwaka jana kwa sasa imefikia katika hatua ya mwisho ya  kuwasilishwa katika vyombo vya juu kwa lengo la  kupewa baraka ili utekelezaji wa jambo hilo
liweze kuanza ,"alisema Dkt Nindi

Nae Mratibu wa programu ya Ardhi kutoka Shirika la Kimataifa la Care  Bi. Mary Ndaro alisema kuwa lengo kubwa la wao kukutana na wadau mbalimbali wa mipango ya matumizi bora ya ardhi ni pamoja na kuhakikisha kuwa kuna kasi ya upangaji wa ardhi katika nchi.

"Moja ya changamoto kubwa iliyopo inayochangia ucheleweshaji wa upimaji wa ardhi ni pamoja na kuwepo kwa bajeti ndogo.Maeneo mengi yakipimwa yanasaidia kuwepo kwa usalama wa miliki na hati miliki hususani kwa wananchi wa vijijini  ambapo karibia asilimia 60 ya wananchi wanategemea ardhi kwa ajili ya kujipatia kipato hivyo kama nchi ni vema kuwekeza katika upangaji wa matumizi ya ardhi ili kusaidia kupunguza migogoro ya ardhi,”alisema Ndaro
 

 

MRADI WA ECOPRC WAWAJENGEA UWEZO WAANDISHI WA HABARI JUU YA USIMAMIZI SHIRIKISHI WA MISITU NA MABADILIKO YA TABIA NCHI, MJINI MOROGORO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Mratibu wa Mradi wa kuwajengea uwezo jamii kupitia mafunzo ya usimamizi shirikishi wa misitu, Mkuhumi na mabadiliko ya Tabia Nchi (ECOPRC), Bw. Elinasi Monga akifundisha somo la mabadiliko ya tabia nchi ambalo aliweza kukazia suala la waandishi wa habari kujua visababishi na viashiria ambavyo ni vyema kujua na kuweza kuvifanyia kazi kwa ufasaha zaidi. Mafunzo hayo yaliyoanza Aprili 3 - 7, 2017 mjini Morogoro. Picha zote na Cathbert Angelo Kajuna wa Kajunason Blog. Katika mafunzo hayo Mratibu wa Mradi huo alisema kuwa wakulima wadogo wadogo ndiyo wanaathika zaidi na mabadiliko ya tabia nchi kwa kuwa wamekuwa hawana uelewa mzuri katika masuala ya mabadiliko ya tabia nchi. Aliongeza jambo lingine linalorudisha nyuma ni serikali za mitaa kukosa mipango mikakati ya kukabiliana na mabadiliko ya tabia nchi. Mwisho alisisitiza uongozi mbovu katika sekta ya misitu huchangia uharibifu wa misitu kwa kiasi kikubwa.
`
  Mratibu wa Mradi wa ECOPRC, Bw. Elinasi Monga akisisitiza jambo.
Mratibu wa Mradi wa ECOPRC, Bw. Richard Giliba akifundisha somo juu ya kiwango vya athari ya mabadiliko ya tabia nchi, Nyenzo shirikishi pamoja na umuhimu wa misitu ya jamii ambavyo ni muhimu kwa waandishi wa habari kujua na kuvifanyia kazi. Mafunzo hayo yaliyoanza Aprili 3 - 7, 2017 mjini Morogoro. Mratibu wa Mradi wa ECOPRC, Bw. Richard Giliba akisisitiza jambo mbele ya waandishi wa habari waliohudhiria mafunzo hayo.
Kikundi cha tatu kikijadiliana.
Kikundi cha pili kikijadiliana. Kikundi cha kwanza wakijadiliana. Kuhusu Mradi wa ECOPRC Mnamo tarehe 25 Oktoba 2012, Serikali ya Jamhuri ya Muungano wa Tanzania na Ufalme wa Norway zilikubaliana kuingia katika mkataba wa utekelezaji wa Mradi wa kuwajengea uwezo Wananchi kupitia Mafunzo ya Usimamizi Shirikishi wa Misitu (USM), Mpango wa Kupunguza Uzalishaji wa Hewa Ukaa Kutokana na Ukataji na Uharibifu wa Misitu (MKUHUMI) na Mabadiliko ya Tabianchi (“Empowering Communities through Training on Participatory Forest Management, REDD+ and Climate Change Initiatives – ECOPRC”). Lengo kuu la mradi huu ni kujenga uwezo wa vikundi mbalimbali vya kijamii ili viweze kusimamia misitu kwa uendelevu na kwa faida; lengo mahususi ni kuongeza tija katika usimamizi endelevu wa rasilimali za misitu kwa namna ambayo inaleta faida kijamii, kiuchumi, kimazingira na kiutawala bora kwa jamii zinazojihusisha na shughuli za Usimamizi Shirikishi wa Misitu, MKUHUMI na Mabadiliko ya Tabianchi. Mradi huu ni wa miaka mitano, unaotekelezwa na washirika wanne ambao ni Chuo cha Misitu Olmotonyi (Mshirika Kiongozi), Mtandao wa Jamii wa Usimamizi wa Misitu Tanzania (MJUMITA); Kituo cha Misitu na Watu (RECOFTC) cha Bangkok-Thailand na FORCONSULT, kitengo cha ushauri elekezi cha Kitivo cha Misitu na Hifadhi ya Mazingira Chuo Kikuu cha Kilimo Sokoine. Shughuli za Mradi zinatekelezwa katika malengo mahususi sita: 1. Programu ya kujenga uwezo wa Taifa katika USM/MKUHUMI umeandaliwa na kurasimishwa kupitia mafunzo yatokanayo na uzoefu na uwezo wa kusharadiana na mazingira halisi. 2. Ufanisi na Uwajibikaji wa Halmashauri za Wilaya na Watumishi wake Unaongezeka Kwa Kutoa huduma bora kwa wananchi na wadau katika nyanja za USM, MKUHUMI na Mabadiliko ya Tabianchi. 3. Kuboresha Maarifa na Uelewa wa Viongozi wa Vijiji Katika usimamizi endelevu wa shughuli za USM, MKUHUMI Mabadiliko ya Tabianchi. 4. Kutoa Fursa kwa Watendaji, Watekelezaji na Watoa Maamuzi ili Waweze Kupitia, kufanya Mageuzi na Kutambua Mazingira Wezeshi kwa Sera za USM, MKUHUMI na Mabadiliko ya Tabianchi. 5. Miundombinu ya Chuo cha Misitu inaboreshwa ili kuongeza ufanisi katika kutoa Mafunzo bora 6. Usimamizi na Uendeshaji wa Mradi.
  Waandishi wa habari wakifuatilia mafunzo.
Mratibu wa Mradi wa ECOPRC, Bw. Daniel Lucas akifundisha somo juu ya kuimarishwa Utawala Bora katika Usimamizi Shirikishi wa Misitu ambavyo ni muhimu kwa waandishi wa habari kujua na kuvifanyia kazi. Mafunzo hayo yaliyoanza Aprili 3 - 7, 2017 mjini Morogoro. Meneja wa Mradi wa ECOPRC), Bw. Almas Kashinde (kulia) akifunga mafunzo ya waandishi wa habari yaliyofanyika Aprili 3 - 7, 2017 mjini Morogoro. Alisema kuwa nia ya nia ya mradi wa ECOPRC ni kuziwezesha jamii ziishizo vijijini na wadau wengine kupitia mchakato mahsusi wa kuwajengea uwezo ili kuboresha Usimamizi Shirikishi wa Misitu na kuwa na uboreshaji wa njia za maisha katika jamii. lengo la mafunzo haya ni kuhamasisha serikali katika Usimamaizi Shirikishi wa Misitu ili kuwa na faida za kijamii, kiuchumi na kimazingira kwa jamii zinazojihusisha na Usimamizi Shirikishi wa Misitu. Kushoto ni Mratibu wa mafunzo hayo Bw. Richard Giliba. 
Meneja wa Mradi wa kuwajengea uwezo jamii kupitia mafunzo ya usimamizi shirikishi wa misitu, Mkuhumi na mabadiliko ya Tabia Nchi (ECOPRC), Bw. Almas Kashinde (kulia) akitoa cheti kwa mwandishi wa habari, Mussa Twangilo (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, James Lyatuu (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Henry Mwakifuna (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Beatrice Philemon (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Safia Maftah (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Saada Mbarouk (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa Blogger na mwandishi wa habari, Cathbert Angelo Kajuna (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Josephine Mallango (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Agrey Evarist (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Kalokola Aporinary (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Prosper  Kaijage (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba. Waandishi wa habari waliohudhuria mafunzo ya Mradi wa kuwajengea uwezo jamii kupitia mafunzo ya usimamizi shirikishi wa misitu, Mkuhumi na mabadiliko ya Tabia Nchi (ECOPRC) mjini Morogoro wakiwa katika picha ya pamoja na wawezeshaji wao.
 
Supported by : Tone Media
Copyright © 2012. Morogoro Yetu - All Rights Reserved
Template Modify by Fredy Tony Njeje
Proudly powered by Blogs za Mikoa