MRADI WA ECOPRC WAWAJENGEA UWEZO WAANDISHI WA HABARI JUU YA USIMAMIZI SHIRIKISHI WA MISITU NA MABADILIKO YA TABIA NCHI, MJINI MOROGORO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Mratibu wa Mradi wa kuwajengea uwezo jamii kupitia mafunzo ya usimamizi shirikishi wa misitu, Mkuhumi na mabadiliko ya Tabia Nchi (ECOPRC), Bw. Elinasi Monga akifundisha somo la mabadiliko ya tabia nchi ambalo aliweza kukazia suala la waandishi wa habari kujua visababishi na viashiria ambavyo ni vyema kujua na kuweza kuvifanyia kazi kwa ufasaha zaidi. Mafunzo hayo yaliyoanza Aprili 3 - 7, 2017 mjini Morogoro. Picha zote na Cathbert Angelo Kajuna wa Kajunason Blog. Katika mafunzo hayo Mratibu wa Mradi huo alisema kuwa wakulima wadogo wadogo ndiyo wanaathika zaidi na mabadiliko ya tabia nchi kwa kuwa wamekuwa hawana uelewa mzuri katika masuala ya mabadiliko ya tabia nchi. Aliongeza jambo lingine linalorudisha nyuma ni serikali za mitaa kukosa mipango mikakati ya kukabiliana na mabadiliko ya tabia nchi. Mwisho alisisitiza uongozi mbovu katika sekta ya misitu huchangia uharibifu wa misitu kwa kiasi kikubwa.
`
  Mratibu wa Mradi wa ECOPRC, Bw. Elinasi Monga akisisitiza jambo.
Mratibu wa Mradi wa ECOPRC, Bw. Richard Giliba akifundisha somo juu ya kiwango vya athari ya mabadiliko ya tabia nchi, Nyenzo shirikishi pamoja na umuhimu wa misitu ya jamii ambavyo ni muhimu kwa waandishi wa habari kujua na kuvifanyia kazi. Mafunzo hayo yaliyoanza Aprili 3 - 7, 2017 mjini Morogoro. Mratibu wa Mradi wa ECOPRC, Bw. Richard Giliba akisisitiza jambo mbele ya waandishi wa habari waliohudhiria mafunzo hayo.
Kikundi cha tatu kikijadiliana.
Kikundi cha pili kikijadiliana. Kikundi cha kwanza wakijadiliana. Kuhusu Mradi wa ECOPRC Mnamo tarehe 25 Oktoba 2012, Serikali ya Jamhuri ya Muungano wa Tanzania na Ufalme wa Norway zilikubaliana kuingia katika mkataba wa utekelezaji wa Mradi wa kuwajengea uwezo Wananchi kupitia Mafunzo ya Usimamizi Shirikishi wa Misitu (USM), Mpango wa Kupunguza Uzalishaji wa Hewa Ukaa Kutokana na Ukataji na Uharibifu wa Misitu (MKUHUMI) na Mabadiliko ya Tabianchi (“Empowering Communities through Training on Participatory Forest Management, REDD+ and Climate Change Initiatives – ECOPRC”). Lengo kuu la mradi huu ni kujenga uwezo wa vikundi mbalimbali vya kijamii ili viweze kusimamia misitu kwa uendelevu na kwa faida; lengo mahususi ni kuongeza tija katika usimamizi endelevu wa rasilimali za misitu kwa namna ambayo inaleta faida kijamii, kiuchumi, kimazingira na kiutawala bora kwa jamii zinazojihusisha na shughuli za Usimamizi Shirikishi wa Misitu, MKUHUMI na Mabadiliko ya Tabianchi. Mradi huu ni wa miaka mitano, unaotekelezwa na washirika wanne ambao ni Chuo cha Misitu Olmotonyi (Mshirika Kiongozi), Mtandao wa Jamii wa Usimamizi wa Misitu Tanzania (MJUMITA); Kituo cha Misitu na Watu (RECOFTC) cha Bangkok-Thailand na FORCONSULT, kitengo cha ushauri elekezi cha Kitivo cha Misitu na Hifadhi ya Mazingira Chuo Kikuu cha Kilimo Sokoine. Shughuli za Mradi zinatekelezwa katika malengo mahususi sita: 1. Programu ya kujenga uwezo wa Taifa katika USM/MKUHUMI umeandaliwa na kurasimishwa kupitia mafunzo yatokanayo na uzoefu na uwezo wa kusharadiana na mazingira halisi. 2. Ufanisi na Uwajibikaji wa Halmashauri za Wilaya na Watumishi wake Unaongezeka Kwa Kutoa huduma bora kwa wananchi na wadau katika nyanja za USM, MKUHUMI na Mabadiliko ya Tabianchi. 3. Kuboresha Maarifa na Uelewa wa Viongozi wa Vijiji Katika usimamizi endelevu wa shughuli za USM, MKUHUMI Mabadiliko ya Tabianchi. 4. Kutoa Fursa kwa Watendaji, Watekelezaji na Watoa Maamuzi ili Waweze Kupitia, kufanya Mageuzi na Kutambua Mazingira Wezeshi kwa Sera za USM, MKUHUMI na Mabadiliko ya Tabianchi. 5. Miundombinu ya Chuo cha Misitu inaboreshwa ili kuongeza ufanisi katika kutoa Mafunzo bora 6. Usimamizi na Uendeshaji wa Mradi.
  Waandishi wa habari wakifuatilia mafunzo.
Mratibu wa Mradi wa ECOPRC, Bw. Daniel Lucas akifundisha somo juu ya kuimarishwa Utawala Bora katika Usimamizi Shirikishi wa Misitu ambavyo ni muhimu kwa waandishi wa habari kujua na kuvifanyia kazi. Mafunzo hayo yaliyoanza Aprili 3 - 7, 2017 mjini Morogoro. Meneja wa Mradi wa ECOPRC), Bw. Almas Kashinde (kulia) akifunga mafunzo ya waandishi wa habari yaliyofanyika Aprili 3 - 7, 2017 mjini Morogoro. Alisema kuwa nia ya nia ya mradi wa ECOPRC ni kuziwezesha jamii ziishizo vijijini na wadau wengine kupitia mchakato mahsusi wa kuwajengea uwezo ili kuboresha Usimamizi Shirikishi wa Misitu na kuwa na uboreshaji wa njia za maisha katika jamii. lengo la mafunzo haya ni kuhamasisha serikali katika Usimamaizi Shirikishi wa Misitu ili kuwa na faida za kijamii, kiuchumi na kimazingira kwa jamii zinazojihusisha na Usimamizi Shirikishi wa Misitu. Kushoto ni Mratibu wa mafunzo hayo Bw. Richard Giliba. 
Meneja wa Mradi wa kuwajengea uwezo jamii kupitia mafunzo ya usimamizi shirikishi wa misitu, Mkuhumi na mabadiliko ya Tabia Nchi (ECOPRC), Bw. Almas Kashinde (kulia) akitoa cheti kwa mwandishi wa habari, Mussa Twangilo (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, James Lyatuu (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Henry Mwakifuna (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Beatrice Philemon (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Safia Maftah (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Saada Mbarouk (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa Blogger na mwandishi wa habari, Cathbert Angelo Kajuna (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Josephine Mallango (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Agrey Evarist (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Kalokola Aporinary (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba.
Meneja wa Mradi wa ECOPRC, Bw. Almas Kashinde (kulia) akitoa cheti kwa mwandishi wa habari, Prosper  Kaijage (kushoto) mara baada ya kumaliza mafunzo yaliyoanza Aprili 3-7, 2017 mjini Morogoro. Katikati ni Mratibu wa mafunzo hayo Bw. Richard Giliba. Waandishi wa habari waliohudhuria mafunzo ya Mradi wa kuwajengea uwezo jamii kupitia mafunzo ya usimamizi shirikishi wa misitu, Mkuhumi na mabadiliko ya Tabia Nchi (ECOPRC) mjini Morogoro wakiwa katika picha ya pamoja na wawezeshaji wao.

WANAOPEWA MIKOPO NA SERIKALI WAKUMBUSHWA KUPELEKA MAREJESHO KWA WAKATI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

DC KILOMBERO AWATAKA VIJANA WALEMAVU KUCHANGAMKIA FURSA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

DKT KEBWE AONGOZA KIKAO CHA MAANDALIZI YA MAONESHO YA KILIMO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Mkuu wa Mkoa wa Morogoro Dkt Kebwe Stephen Kebwe akizungumza wakati wa kikao cha Kamati kuu ya Tathmini na Maandalizi ya Maonesho ya Kilimo (Nane Nane) Kanda ya Mashariki
Baadhi ya washiriki wa kikao cha Kamati kuu ya Tathmini na Maandalizi ya Maonesho ya Kilimo (Nane Nane) Kanda ya Mashariki wakifatilia kikao hicho kwa makini
Mkurugenzi wa Manispaa ya Ubungo Ndg John Lipesi Kayombo akisikiliza kwa makini wakati wa kikao cha Kamati kuu ya Tathmini na Maandalizi ya Maonesho ya Kilimo (Nane Nane) Kanda ya Masharikikilichofanyika Mkoani Morogoro
Kushoto ni Mkuu wa Wilaya ya Handeni Mhe Godwin Gondwe akifatilia kwa makini kikao cha Kamati kuu ya Tathmini na Maandalizi ya Maonesho ya Kilimo (Nane Nane) Kanda ya Mashariki kilichofanyika Mkoani Morogoro, Kushoto kwake ni Katibu Tawala wa Wilaya ya Ubungo Ndg James Mkumbo
Mkuu wa Wilaya ya Muheza Hajat Mhandisi, Mwanasha Tumbo akichangia jambo wakati wa kikao cha Kamati kuu ya Tathmini na Maandalizi ya Maonesho ya Kilimo (Nane Nane) Kanda ya Mashariki

Na Mathias Canal, Morogoro

Mkuu wa Mkoa wa Morogoro Dkt Kebwe Stephen Kebwe ameongoza kikao cha Kamati kuu ya Tathmini na Maandalizi ya Maonesho ya Kilimo (Nane Nane) Kanda ya Mashariki inayounganisha Mikoa ya Dar es salaam, Tanga, Pwani na Morogoro.

Kikao hicho kilichokuwa na Agenda sita kimefanyika Katika Ukumbi wa JKT Nane Nane Manispaa ya Morogoro ambapo kwa kauli moja kimepitisha Agenda zote sita ikiwemo kupitia Taarifa ya Tathmini ya Maonesho ya Nane Nane 2016 sawia na Taarifa ya Maandalizi ya Maonesho ya Nane Nane ya mwaka 2017 ambayo Kitaifa yanayotaraji kufanyika Mkoani Morogoro.

Akizungumza wakati Akifungua kikao hicho Dkt Kebwe ameitaka kamati inayoratibu shughuli hizo ya TASO kuweka wazi mapato na matumizi ya fedha wanazozipata kwani kufanya hivyo ni kujenga zaidi uaminifu kwa wananchi na kujihuisha kwa pamoja na wadau mbalimbali ili kukuza uchumi nchini kupitia Kilimo.

Dkt Kebwe alisema kuwa TASO kutofanya hivyo ni njia mojawapo ya kuzifanya Halmashauri zingine kutochangia kwa kuhofia fedha zao kutumika pasina weledi uliokusudiwa.

Sambamba na hayo pia amewasihi wadaiwa sugu kulipa madeni yao haraka iwezekanavyo kwani kufanya hivyo itaongeza ustawi na uimara wa Maandalizi ya Maonesho ya Kilimo na hatimaye Kilele chake kuwa na Tija kwa jamii.

Dkt Kebwe amewapongeza wakurugenzi na Wakuu wa Wilaya waliohudhuria katika kikao hicho ambapo alisema kuwa wanafanya kazi nzuri na kuonyesha ushirikiano imara katika Maandalizi hayo japo amesisitiza kuongezwa kwa jitihada za Maandalizi ili Maonesho hayo yawe na weledi na tija.

Sherehe za Maonesho ya Kilimo Nane Nane hufanyika kwa lengo la kuwakutanisha wakulima, wafugaji, na wavuvi kwa kuwaelimisha watazamaji na hasa wakulima, wafugaji na wavuvi kujifunza na kupata uzoefu wa teknolojia na mbinu zinazotumika kuongeza uzalishaji katika eneo la kilimo, Mifugo na Uvuvi.

Katika Maonesho hayo mambo muhimu hutawala ikiwa ni pamoja na kuonyesha mazao mbalimbali sambamba na mifugo mbalimbali kwenye mabanda.

Akizungumza na Mtandao wa www.wazo-huru.blogspot.com Mara baada ya kumalizika kwa kikao hicho Mkurugenzi wa Manispaa ya Ubungo Ndg John Lipesi Kayombo amewapongeza viongozi wote kwa namna ambavyo wanashiriki kuandaa Maonesho hayo huku akisema kuwa pamoja na Halmashauri ya Ubungo kuwa mpya na inaanza kushiriki katika Maonesho hayo kwa Mara ya kwanza atahakikisha kuwa maonesho yanakuwa na tija katika mabanda yote yanayoendelea kuandaliwa na Maafisa Kilimo, Uvuvi na Mifugaji.

MD Kayombo alisema kuwa kupitia Maonesho ya Kilimo mwaka huu 2017 wananchi watapata fursa ya kujifunza mbinu za ufugaji kwa kutumia mabanda bora, Uchanganyaji wa vyakula vya mifugo na ulishaji, Teknolojia bora ya ufugaji wa samaki wengi katika eneo dogo, Utotoleshaji vifaranga kwa kutumia incubator ya kienyeji na kisasa, Uhamilishaji wa samaki na Ng'ombe na teknolojia Nyinginezo.

Akifunga kikao hicho Mkuu wa Mkoa wa Morogoro Dkt Kebwe Stephen Kebwe ambaye ndiye alikuwa mwenyekiti wa Kikao hicho alizitaja changamoto za maandilizi za Maonesho ya Kilimo kuwa ni pamoja na ucheleweshaji wa michango kutoka kwa wadau mbalimbali pamoja na kuchelewa kuthibitisha mialiko kwa wageni walioalikwa kutembelea Maonesho ya Kilimo Nane Nane.

MD KAYOMBO AKAGUA ENEO LITAKLOTUMIKA KWA AJILI YA MAONESHO YA NANENANE LA MANISPAA YA UBUNGO LILILOPO MKOANI MOROGORO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Mkurugenzi wa Manispaa ya Ubungo Ndg John Lipesi Kayombo akisisitiza jambo mara baada ya kutembelea Shamba litakaloandaliwa kwa ajili ya Maonesho ya Nanenane lililopo Mkoani Morogoro


Na Mathias Canal, Morogoro

Mkurugenzi wa Manispaa ya Ubungo Ndg John Lipesi Kayombo amefanya ukaguzi wa eneo kwa ajili ya Maonesho ya Kilimo (Nane Nane) ili kujiridhisha na kutoa maelekezo ya maandalizi kwa kufyeka majani yaliyopo katika eneo la JKT Mtaa wa Nanenane ikiwa ni hatua za ufanisi kwa ajili ya kuelekea Maonesho ya Nane Nane mwanzoni kwa mwezi Agosti.

Kayombo amesema kuwa lengo kuu la kuzuru kwanza ilikuwa ni kujionea eneo hilo sambamba na kuona hali ya utendaji kazi ili kuanza ufyekaji na kuanza kulima mazao ambayo yanakusudiwa kuoneshwa na Manispaa ya Ubungo.

Amesema kuwa katika utendaji wake amekusudia kwenda mwenyewe Field ili kuona hali ya utendaji ilivyo sio kupelekewa Taarifa pekee kwani kufanya hivyo Ukurugenzi alionao utakuwa hauna maana kama ataishia ofisini.

"Rais ametupa mamlaka makubwa ya kuwatumikia wananchi sasa kama tunakaa ofisi pekee nchi haiwezi kusonga mbele badala yake ili tuweze kuwa na mafanikio katika utendaji pamoja na Kukuza uchumi kupitia sekta mbalimbali ni wazi kwamba tunapaswa kuzuru katika maeneo yote tunayoyaongoza" Alisema Kayombo

MD Kayombo amewapa maelekezo Afisa Kilimo na Afisa Mifugo na Uvuvi kuanza haraka iwezekanavyo usafishaji wa shamba hilo lenye ukubwa wa Mita za Mraba 3600 ili kulima na kupanda mazao kusudiwa kwa ajili ya Maonesho ya Kilimo Nane Nane.

Maelekezo mengine ni pamoja na kununua viuatilifu kwa ajili ya kuua wadudu waharibifu na magonjwa, kuandaa mabango na kuainisha aina mbalimbali za malisho iliyooteshwa na kujenga bwawa la samaki.
Kayombo alisema kuwa eneo hilo limenunuliwa na Halmashauri ya Manispaa ya Ubungo kwa ajili ya Maonesho ya Nane Nane ambayo hufanyika kila mwaka kwa lengo la kuwakutanisha wakulima, Wafugaji na wavuvi kwa kuwaelimisha na kuwajengea uwezo wa kutumia teknolojia na mbinu za kuongeza uzalishaji katika eneo la Uvuvi, Kilimo na Ufugaji.

Akizungumzia utekelezaji wa maelekezo yaliyotolewa na Mkurugenzi wa Manispaa ya Ubungo Kaimu Afisa Kilimo wa Manispaa ya hiyo Ndg Salim Msuya amesema kuwa wanataraji kuanza kutekeleza hivi karibuni ikiwa ni pamoja na kujenga mabanda ya mifugo na sehemu za kusindika mazao ya mifugo, kuandaa mavazi rasmi kwa ajili ya washiriki wa Maonesho.

Mengine ni kukusanya bidhaa za mazao mbalimbali ya wafugaji, wakulima na wavuvi watakaoshiriki Maonesho hayo ya Kilimo Nane Nane kwa ajili ya kuyapeleka Morogoro.

Sambamba na hayo pia Msuya amesema kuwa maandalizi mengine itakuwa ni kutengeneza matuta ya kuoteshea malisho, Kununua mbolea na kuweka kwenye eneo la malisho ya mifugo, kufunga maji katika eneo la malisho yatakayotumika kwa ajili ya umwagiliaji na mifugo itakayopelekwa wakati wa Maonesho.

Msuya ameeleza kuwa maandalizi mengine itakuwa ni kuandaa mashimo katika matuta ya kuotesha miche, Vipande na Mbegu za malisho pamoja na kutayarisha eneo la kwa kusafisha eneolima na kufanya Layout ya eneo la kuchimba bwawa kwa ajili ya ufugaji samaki.

WANAWAKE WAONYESHWA NJIA KUPATA MIKOPO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Christina Haule

SERIKALI mkoani Morogoro imewataka wanawake kujiunga kwenye vikundi na kujitokeza kupata mikopo ya riba ya asilimia 10 inayotolewa kwenye halmashauri mbalimbali mkoani hapa ili kujikwamua kiuchumi.

Mkuu wa Wilaya ya Morogoro, Regina Chonjo.
Akizungumza kwa niaba ya Mkuu wa Mkoa, Mkuu wa Wilaya ya Morogoro, Regina Chonjo alisema serikali, katika kuhakikisha inawawezesha wanawake kivitendo, iliamua kutoa mikopo kwa riba ya asilimia 10.
Alisema hadi sasa, jumla ya Sh. milioni 885 zimeshakopeshwa kwa vikundi 71 vya manispaa, ikiwa ni sehemu ya makusanyo ya halmashauri na asilimia tano kutoka serikali kuu.
Chonjo alisema kuna muitikio mdogo hata hivyo wa wanawake kupata mikopo hiyo, jambo ambalo halileti maana thabiti ya kuanzishwa kwa mikopo hiyo.
Chonjo alisema mikopo hiyo ni fursa nzuri hasa katika kipindi hiki cha kuelekea kukuza uchumi wa viwanda.
Alisema wanawake wanapaswa kuanzisha viwanda vidogo vitakavyokuwa chachu ya kuanzishwa viwanda vikubwa.
Kwa wasichana, mkuu wa wilaya alisema, mikopo hiyo itawafanya kujikita kwenye biashara na kujiepusha na vishawishi vitakavyowafanya kujiingiza kwenye makundi yasiyofaa, ikiwamo ya ukahaba na madawa ya kulevya.
Alisema Halmashauri hulazimika kutoka mikopo na kwamba kiasi cha Sh. milioni sita hadi 15 hutolewa kwa kikundi kimoja cha watu waliothibitishwa kupata mkopo huo kutoka ngazi ya kata.
Hata hivyo, aliwaasa wakopaji kuhakikisha wanarejesha mikopo hiyo kwa wakati ili kuwafanya wenzao kuweza kukopa na kujikwamua kiuchumi.

CHANZO GAZETI LA NIPASHE

Rais Magufuli Azindua Uwanja wa Ndegevita, Kambi ya Ngerengere Morogoro

Rais na Amiri Jeshi Mkuu Dkt John Pombe Magufuli na Balozi wa China nchini Dkt. Lu Youqing wakifunua kitambaa kuashiria uzinduzi rasmi ya Uwanja wa kisasa wa ndegevita wa Ngerengere mkoani Morogoro leo Machi 6, 2017
Rais na Amiri Jeshi Mkuu Dkt John Pombe Magufuli na Balozi wa China nchini Dkt. Lu Youqing katika picha ya pamoja na viiongozi mbalimbali baada ya uzinduzi  rasmi ya Uwanja wa kisasa wa ndegevita wa  Ngerengere mkoani Morogoro leo Machi 6, 2017.




Rais na Amiri Jeshi Mkuu Dkt John Pombe Magufuli akihutubia wakati wa  uzinduzi  rasmi ya Uwanja wa kisasa wa ndegevita wa  Ngerengere mkoani Morogoro leo Machi 6, 2017.



Rais na Amiri Jeshi Mkuu Dkt John Pombe Magufuli akijiandaa kufyatua risasi ya bastola kuashiria matumizi rasmi ya Uwanja wa kisasa wa ndegevita wa Ngerengere mkoani Morogoro leo Machi 6, 2017.
PICHA NA IKULU
 

AUDIO - CHAMA CHA MPIRA MOROGORO CHA IPANDISHA MAWENZI LIGI DARAJA LA KWANZA KWA RUSHWA ,SIRI YA KUPANGA MATOKEO YA VUJISHWA .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

SEHEMU YA PILI. Kilichotokea katika upangaji matokeo ya ligi daraja la kwanza msimu ulopita na kupelekea Mbao kupata nafasi ya kucheza ligi kuu Tanzania bara,sasa basi kuna tukio jingine kama hilo limetokea tarehe 4 mwezi huu February pale Morogoro.

Uongozi wa juu wa chama cha soka Mkoa wa Morogoro wawakilishi wa timu ya MAWENZI MARKET na wawakilishi wa timu ya SABA SABA zote za pale Morogoro walipanga matokeo.

Walikubaliana SABA SABA akubali kufungwa na MAWENZI ili MAWENZI wapate nafasi ya kupanda daraja la kwanza, SABA SABA waliahidiwa kusaidiwa pindi mechi yao ya mwisho dhidi ya THE MIGHTY ELEPHANT ya SONGEA, kwa vyovyote vile ili waifunge THE MIGHTY ELEPHANT lakini mambo yakawa tofauti.

Sabasaba akafungwa na akashuka daraja kitu ambacho Saba saba wanalalamika wamesalitiwa na sababu wao wamesalitiwa na sasa wameamua kuachia clip ya sauti ambayo inamaongezi yote waliyokuwa wakipanga vipo vipande viwili.

WAZIRI WA ARDHI MH. LUKUVI AKABIDHI HATI 1,361 KWA WANA KIJIJI CHA DIHOMBO NA HEMBETI WILAYANI MVOMERO, MOROGORO

Wakazi wa vijiji vya  Hembeti na Dihombo wakisubiria kupata Hati miliki zao 
Waziri wa Ardhi, Nyumba na Maendeleo ya Makazi Mh. William Lukuvi akitoa hotuba yake wakati wa alipozindua utoaji wa Hatimiliki za kimila wilayani Mvomero
Mratibu wa Elimu kata ya Hembeti, Charles Kikully akisoma Risala ya vijiji vya Hembeti na Dihombo kwa Waziri Lukuvi
Mkuu wa Wilaya ya Mvomero Mh. Mohamed Utali akizungumza jambo wakati wa uzinduzi huo
Kaimu Mkurugenzi wa Halmashauri ambaye pia ni Mkuu wa Idara ya Ardhi na Maliasili Bw. Rugembe Maige akitoa taarifa ya wataalam ya Wilaya ya Mvomero na Tume ya Matumizi na Mipango ya Ardhi.
Mkuu wa Mkoa wa Morogoro Mh. Dkt. Stephen Kebwe Akiongea na wananchi wakati wa uzinduzi wa utoaji hati za Kimila
Kaimu Mkurugenzi wa Tume ya Mipango na Matumizi ya Ardhi Dkt. Stephen  Nindi akiwatambulisha wageni walioongozana na Mh. waziri Lukuvi kwa wanakijiji wa Hembeti na Dihombo
Mwenyekiti wa Tume ya Mipango na matumizi ya Ardhi Bw. Fidelis Mutakyamilwa akitoa neno la shukurani kwa Waziri Lukuvi  kwa kuzindua rasmi utoaji wa Hakimiliki za Kimila, pia kutoa shukurani kwa  viongozi mbalimbali, wadau na wananchi waliojumuika katika uzinduzi huo.
Wananchi mbalimbali wa Kijiji cha Hembeti na Dihombo wakikabidhiwa Hati za Kimila na Mh. Waziri Lukuvi
Baadhi ya wanakijiji wakisoma Hati zao
Wanakazi wa Mvomero pamoja na wadau mbalimbali wakiwa katika uzinduzi huo
Baadhi ya wanavijiji vya Hembeti na Dihombo wakiwa katika picha ya pamoja na Mh. Waziri Lukuvi mara Baada ya kumaliza zoezi la Ugawaji wa Hati hizo.
Picha na Fredy Njeje

Waziri wa Ardhi, nyumba na Maendeleo ya Makazi Mh.  William Lukuvi,(MB) amezindua  rasmi  utoaji wa Hati Miliki za ardhi za Kimila katika vijiji viwili vya Hembeti na Dihambo wilayani Mvomero mkoani Morogoro  ambapo amegawa hati 1361 baada ya kupima vipande vya ardhi  2944.

Akizungumza na wanakijiji hao  Waziri Lukuvi alisema kuwa ameamua kuja mwenyewe kuzindua ugawaji wa hati miliki ili apate kujiridhisha na kuona kazi hiyo imefanyika kitimilifu na kutekelezwa kama alivyo agiza, alisema kazi hiyo ni utekelezaji wa ilani ya  Chama cha Mapinduzi (CCM) wa kuhakikisha nchi inapangwa kwa kupima ardhi yake ambapo wananchi  watapimiwa ardhi na kupewa hati za kumiliki maeneo hayo, na kusisitiza kuwa baada ya kukabidhiwa Ardhi hiyo ulinzi wa ardhi hiyo utakuwa ni juu ya mmiliki mwenyewe.

Alisema kuwa njia moja wapo ya  kuondoa migogoro ya ardhi ni kuhakikisha kuwa kila Mwanakijiji anamiliki  kipande chake cha ardhi kwa kuwapatia hati za kimila na kwamba pamoja na kugawa hati hizo bado wataalam watabaki kuendelea kupima ardhi mpaka watakapo kamilisha zoezi hilo la kupima na kutoa hati za vipande 5200 ambapo vijiji  vitakavyoendelea kupimwa ni pamoja na Hembeti, Ihombo,Bungoma,Kindo na Kibugu pia kijiji cha Kambala ambacho nacho kipo tayari kwa ajili ya kuanza kupimwa ambapo watapanga matumizi bora ya Ardhi na kutoa hati, ambapo matumizi hayo ya ardhi yataainisha maeneo ya Kilimo na Ufugaji.

 Na kwa maeneo ya kilimo wafugaji hawataruhusiwa kulishia mifugo yao. Waziri Lukuvi amesisitiza katika eneo la kambala watakapopima eneo la mifugo ni lazima wataalam waainishe na idadi ya Mifugo watakao fugwa katika eneo hilo pamoja na kuweka miundombinu kama josho la Kuogeshea na mabwawa ya kunyweshea  maji ambapo wananchi nao watapaswa kuchangia gharama kidogo ili kuepuka muingiliano baina yao na wakulima.

Waziri Lukuvi aliongeza kuwa Wilaya ya Mvomero ndio Wilaya pekee nchini Tanzania ambayo Serikali imefanya matumizi bora ya Ardhi kwa vijiji vingi zaidi kulipo wilaya yoyote Tanzania na mpaka sasa yamefanyika matumizi bora  ya ardhi katika vijiji 73 Mvomero,na kusisitiza kuwa ardhi ya Mvomero bado ina rutuba hivyo hawana sababu ya kungojea ruzuku ya mbolea kutoka serikalini. Pia Waziri amewaonya madiwani wasigawe tena vijiji pindi uchaguzi unapokaribia kwa kufanya hivyo watakuwa wameharibu utaratibu wa vijiji ambavyo tayari vimepimwa kwa kuwa ugawaji huo hauwasaidii wananchi katika maendeleo bali huwanufaisha wanasiasa wanaotaka vyeo.

Sambamba na hilo amewasihi waliopata hati hizo  kuwa   thamani yake ni kubwa zaidi  kulipo ardhi ambayo haijapimwa kwa kuwa kupitia ardhi hiyo mwanakijiji anaweza kutumia hati hiyo kwa ajili ya kupata mkopo Benki, amewataka wale wanaokaidi kushiriki katika zoezi za upimaji na matumizi ya ardhi na wao washiriki kwa sababu mpango wa matumizi ya ardhi una faidia kubwa.

"Mpango huu wa upimaji unaendelea wilaya za Kilombelo, Ulanga na Malindi ambapo watapanga kupima na kutoa hati laki tatu (300,000) na kumalizia kuwa kila mtu ambaye amepewa hati yake haruhusiwi kuiuza kwa mtu yoyote nje ya mwanafamilia wa kijiji ambapo ndipo  kuna mmiliki wa ardhi hiyo na kuwasisitiza wale wote walio nje ya Mkoa wa Morogoro wafike pindi matumizi ya ardhi na upimaji wanapofika katika maeneo yao."  alisema Waziri Lukuvi.

Nae Mkuu wa Mkoa wa Morogoro Mh. Dkt. Stephen Kebwe akiongea na wanakijiji hao alisema kuwa mtu yeyote atakae jaribu kuleta migogoro ya ardhi Serikali haita wafumbia macho na Sheria itachukua mkondo wake kwa kuwa hao ndio wanaorudisha nyuma maendeleo.



 
Supported by : Tone Media
Copyright © 2012. Morogoro Yetu - All Rights Reserved
Template Modify by Fredy Tony Njeje
Proudly powered by Blogs za Mikoa